Si nan pratik medsin gen règ ak prensip yon travayè sante dwe suiv pou li fè byen ak evite mal, nan tout disiplin èspò yo tou gen deyontoloji ak etik.
Pou yon èspòtif bay bon randman, li dwe suiv konsèy antrènè li, li dwe rèspèkte antrènman li, li dwe manje manje ki byen balanse, dòmi bonè, evite plezi ki ka fè l gaspiye fòs li, li pa dwe fimen, bwè gwòg, ni pran dwòg. Lè n ap pale de dwòg, nou konnen gen medikaman èspòtif konn itilize pou kò ak lèspri yo bay plis randman lè gen konpetisyon ou byen match, yo rele sa:Dopaj.
